戇與U茶島登陸篇之第二次戇魔大戰--第四戰﹕ 化學精
小戇昨天好乖呀﹗由尋日一朝早起身開始備戰﹐在二十四小時之內學識成個學期o既o野(根本就係自己平時唔勤力惹既禍。。。)差不多一日內由書頭刨到書尾﹐中途剩係偷懶左幾粒鐘喳﹐幾乖呀﹗﹗﹗咁多個EXAM﹐我最勤力就係呢個喇﹐都好耐未試過坐定定睇書睇咁耐喇﹗﹗﹗o車﹗自己讚自己真係好無癮。。乖小朋友想人讚下我､鼓勵下我呀﹗﹗﹗俾笨爸爸､笨媽媽知道我講D咁o既o野﹐一定又會話﹕“讀書係你o既責任﹐你係應該努力o既﹐下下都要人讚､要人鼓勵o既咩﹖﹖”不過有時真係好想有人拍拍我個頭鼓勵下我囉﹐尤其是當我咁努力去備戰之後﹐換黎既都係一個唔多滿意o既戰續。。。唉。。。今日個化學精﹐比起上個+上上個﹐都算叫做易o卦。。。但係小戇都係唔多攪得掂。。。。唉。。備左戰都好似無乜用﹐不過唔備可能仲衰。。。。都係自己平時唔勤力之過啦﹗﹗﹗嗚。。。點解我會變成咁架﹖﹖點解﹖﹖BELL CURVE 哥哥﹐我今次真係應承你呀。。。你比我PASS﹐我下學年一定會更努力架。。。BELL CURVE神﹐請賜我力量﹗﹗﹗
星期一﹐小戇登陸U茶島之最後一戰﹐但仲有咁多日﹐懶小朋友無MOOD去備戰。。。不過如果唔備﹐又會重滔上次ECE唔EC怪o既世紀大災難架喇。。。。唉。。。都係要去溫書喇。。。

天使明天牛一﹐祝牛一DAY唔會做“嘔”人﹐祝青春常駐﹐祝與車神幸福快樂﹐早日搵到個DREAM PRINCE。。。不過我都係唔明﹐有車神點解仲要去搵DREAM PRINCE﹖﹖﹖WHITE CANDIES 都唔夠呀﹖﹖仲要有WHITE DREAM PRINCE 呀﹖﹖﹖咁貪心架﹖﹖小戇就無天使咁貪心喇﹐我做人好腳踏實地o既﹐我剩係想中今期七合彩o者﹗﹗﹗(JUST IN CASE YOU DON‘T KNOW﹐今期派彩二千萬YEH。)

戇與U茶島登陸篇之第二次戇魔大戰--第三戰﹕ECE唔EC怪
一句到尾﹕全軍覆沒。出返o個招四面包抄必死技都無用喇。。。其實最衰都係自己﹐溫多D可能會識得做多D架嗎﹗﹗﹗不過都無得怨咁多。。。唉。。。今次真係好多人都話好難打。。。其實小戇要求唔高﹐只希望有個四十分就足夠我留o向U茶島架喇﹗﹗﹗
打完出黎變左黑炭﹐(勁炒大鑊。。。)一個鐘出入兩次INNIS。。。所有人都變黑炭﹐個個都話好難﹐但其實有D人話好難其實係想黑炭們好過一點的苦心。。。。唉。。。NASA 仔講左一句我覺得幾有哲理的話﹕“WHY BOTHER STUDYING FOR CALCULUS DURING THE WEEKEND﹖ MIGHT AS WELL PLAY WITH BLOCKS﹗”其實話傷心､絕望﹐我又未至於到o個個地步囉。我諗我黎左U茶島八個月﹐學識左既其中一樣野就係﹕愛因斯坦既RELATIVITY係完全正確既。呢個世界講既係RELATIVE。你唔識﹐唔代表你唔掂﹐因為其他人都可能會唔識。只要其他大部份人都唔識既話﹐咁即係代表你係應該唔識既﹐咁即係你仲可以望BELL打救。如果其他人識﹐你唔識﹐恭喜你﹐你簡直係鵪春立雞群﹐夠晒特別。我宜家真係處於望BELL打救既慘況﹐我希望我未淪落為鵪春啦。BELL CURVE﹐I BELIEVE IN YOUR POWER。希望真係信者得救﹐如果無得救都幫我做幾下人工呼吸做下樣咁呀﹐唔該﹗
(其實都無得怪人﹐係自己讀得唔夠。。。T___T。。。灰。灰。灰。)

戇與U茶島登陸篇之第二次戇魔大戰--第三戰﹕繼續無心戀戰中(。~____~。)
有無人可以話比我知﹐究竟我到底發生左D乜事﹖﹖點解仲係比唔到心機落去備戰架﹖﹖我﹐到底發生咩事呀﹖﹖
尋晚/今朝狂發夢。。(即係話睡得唔好﹐點解會睡得唔好﹖就係因為無比心雞去溫書﹐溫溫下書居然去搵周公所以內疚﹐所以咪睡得唔好囉﹗﹗﹗)發左好多個夢﹐見到好多好多人。最有印象o個個就係見到好耐無見差D唔記得左佢既薯o麥頭。。。見到佢變左熊貓咁出現o向U茶島﹐見到佢同某一位曾經做過我三個月同學既女同學(但唔係太熟o個隻)或是某位夏日營既營長姐姐(都唔記得究竟係邊個囉。。。)一齊o向U茶島出現﹐兩個都變左大熊貓。至於點解我會夢見呢兩個咁新鮮､咁生､咁唔熟既人﹖我都唔知點解喇﹗﹗﹗我諗我都係時候真真正正咁去努力備戰喇o卦﹗﹖我要努力。。。

戇與U茶島登陸篇之第二次戇魔大戰--第三戰﹕無心戀戰中PART II
晨早醒左又有乜用﹖﹖成朝就用左黎做D無謂+無聊野。原定要做既﹐宜家先坐定定開始做﹐但係唔夠五分鐘又分了心。。我真是無藥救。睇報紙﹐今日終於有一個角落頭俾我的五星連珠喇。不過都係無相睇既。。。報紙話﹐五星連珠會持續一個月架﹐但係肉眼見到既話呢就418係最後機會。。。即係窮小朋友前兩日錯過左既野呢﹐始終都係要錯過架呢。。。除非﹐我有一D有錢既朋友﹐擁有呢個昂貴既望遠鏡啦﹐而呢位朋友呢又要好好人咁自己願意借個貴鏡出黎啦。。。如果唔係﹐我諗我同連珠都係註定無緣架喇。。。唉。。。我諗我都係要望報打卦﹐希望明日報紙有相睇啦。。。唉。。。不過呢﹐睇報紙﹐知道朗拿度今次世界杯會再次出賽﹐同李華度+RONALDINHO(好似係咁寸)組成巴西鐵三角﹐嘿嘿嘿﹐真係好架呢。。。雖然四年前曾經失望﹐但係﹐我仲係會~支~持~巴~西~既﹗﹗(雖然我都好鍾意英格蘭､法國､意大利､DENMARK。。。荷蘭都有份就更PERFECT 喇。。。)~巴~西~巴~西~YEAH~~~~~~~唔得﹐我都要努力先得﹐YOSHHHHHHHHHHHHHHHHHH﹗p(*____*)q(超閃星光眼)

戇與U茶島登陸篇之第二次戇魔大戰--第三戰﹕無心戀戰中
晨早~~凍醒左~~~凍到我即刻走去沖熱水涼暖一暖~~晨早沖完涼﹐上網比人搶先一步。。。轉行睇報紙﹐繼續尋找我的五星連珠﹐但係都係無。。。終於輪到我上網﹐腦中的歌聽到厭﹐是時候作無謂資源增值﹐但我無時間。。。唯有繼續聽流星雨。。。流星雨﹐令我想起五星連珠。。。我~想~睇~五~星~連~珠~~~仲有﹐我~個~地~窖~都~好~鬼~凍~~~~~~~~~~~~~

戇與U茶島登陸篇之第二次戇魔大戰--第二戰﹕PHILAW怪
有D野無左就係無左﹐錯過左就即係錯過左。報紙始終都無登到五星連珠。。。出師不利﹐晨早行雷閃電落大雨﹐似是告訢戇不要期望太高。好在出門口時停了雨。跟大顆一起備戰﹐但最後都係要孤身作戰。一望張卷﹐只能唉一句﹕今次死得轟烈﹐死無全屍了。。。PHILAW怪D招式好似完全未見過咁囉。。。最衰就係尋晚又幫我KUM被﹐又幫我熄鬧鐘o個位魔天使﹐攪到我備唔足戰。。。嗚。。。o向無計可施的情況下﹐無助戇唯有用終極招式﹕四面包抄必死技。。。不過必死o個個係我﹐唔係PHILAW怪。勁寫勁寫﹐唔識都扮識咁勁寫狂寫﹐寫到自己都唔知自己寫乜o個度先幣﹐不過無計可施的情況之下﹐希望有一兩個位中﹐咁都不致於死剩隻蛋卦。。。在出完終極招式後﹐筋疲力盡﹐還要去認領返個勁炒了的CHE FORMAL LAB。。。勁想死。。。我要人安慰﹐我要人安慰。。。我要睇返五星連珠補數。。。嗚嗚嗚。。。T_T。。。(已經無決心無信心再考下去了﹐個心已經飛左去玩了。。。嗚嗚嗚。。。)T_________T

戇與U茶島登陸篇之第二次戇魔大戰--第二戰﹕備戰中
嗚嗚。。。戇居然在為星期五與PHILAW怪的那場大戰備戰時睡著了。。。嗚嗚嗚。。。書又未讀好﹐又錯過了肉眼也可以看得見的五星連珠(新聞講架。。。)。。。上年已經錯過了九珠連環架喇。。。嗚嗚嗚。。。我唔制呀。。我要睇五星連珠。。。嗚嗚嗚。。。唔知﹐報紙今日會唔會有相睇既呢﹖﹖

PERLUDE TO 戇與U茶島登陸篇之第二次戇魔大戰
我不要再做次選､後備一次也好﹐讓我做一次首選﹐讓我做坐在你身旁的那個唯一。。我只想和你一起坐在流星上劃破夜空﹐一起實現每一個你跟我的夢﹐同時亦帶給千萬人千千萬萬個夢想。我~想~飛~﹐一晚也好。。。我想飛﹗﹗﹗
EXAM TIME == EATING TIME??? EXAM TIME == SLEEPING TIME??
mark EXAM(time EXAM TIME, (*MARKER)(fate LUCK)) {
if (EXAM TIME == EATING TIME || EXAM TIME == SLEEPING TIME)
return FAIL;
else
return ((*MARKER)(rand(EXAM TIME));
}
(041602)

戇與U茶島登陸篇之第二次戇魔大戰--第一戰﹕CS大皇
不過不失的過了第一關。。。大戰完後﹐腦細胞死了不少﹐戰後出來﹐居然下大雨。上到SUBWAY﹐經過露天橋﹐居然見到陽光普照。究竟發生乜事﹐是不是要攪到我傷風才肯罷休﹖﹖

今天好像處處也特別墟埳。。。再一次整晚通頂的小朋友晨早印埋份半放棄左既PHILO ESSAY出黎就出門口去交功課喇﹗上到SUBWAY﹐超多人﹐平常最後面o個幾卡車廂都有D死雞位坐下家嗎。。。今日得返個門口位我企。。明明已經少左人返學﹐整乜鬼咁多人﹖﹖﹖仲要比個麻甩佬望望望。。。心情唔好﹐無得爭取時間睡覺的人真的想破口大罵﹕望咩呀望﹖未見過熊貓呀﹖﹖不過戇沒有那個精力。。。

小朋友被PHIL大衛“種”慣﹐唔知去邊度交ESSAY。。。走錯去MENTAL HOSPITAL。。。要問路。。。DROP OFF左份ESSAY之後﹐又再見到人山人海咁黎交ESSAY 既人。。。

在COMP LAB撞到勁PRINT野既馬騮小DD。。。部PRINTER神左﹐勁PRINT粗口﹐PRINT左800幾張都唔停。。終於要馬騮DD去叫人黎整機。。。咖喱姐姐﹐馬騮DD加笨小戇一等部機整好就發揮勁PRINT三人組既本色。勁PRINT勁PRINT狂PRINT。。。

比死LUR要食M記早餐的小朋友拉了上去搵歌姬小朱食早餐。。。原本大好既讀書早晨就咁無左。。。不過始終都無食到M記早餐﹐因為小朱都已經食左LU。。。

去打擾黃泡飛沙﹐臨急抱沙腳。。。行行下居然o向我地後面出現。。。好彩馬騮小DD無多口﹐如果唔係水洗都唔清。小朱問問下問題﹐又會突然之間越黎越多人﹐要走去搵課室。。。黃泡飛沙講到超晒時﹐遲晒到。。。

跟小朱與馬騮三人走了去唐人街食晏。。。食完晏又再去抱沙腳﹐不過之前D人已經唔見晒。。。見到黃泡飛沙一邊食飯﹐一邊答小朱問題﹐突然間覺得黃泡飛沙好偉大。。。做泡飛沙完來真的不易。。。(不要問我去做乜﹐我係無乜問題既﹐暫時﹐因為我都未做PAST PAPER。。。我八之嗎﹗﹗﹗聽下有益﹗)

問完問題﹐小戇便自已回家。。。皇后廣場超墟埳﹐拎晒旗咁﹐唔知發生咩事。。。搭巴士搭到一半﹐見到有人撞車繼而動武。光頭佬大戰鬍鬚佬。車外墟埳﹐車內仲墟埳。。。班剛放學既嘩鬼﹐一個二個湧晒埋黎我隻窗度睇野。。。可憐我D小腳趾。。。唔夠“目訓”既人一度想大叫﹐睇咩呀睇﹖要睇落車睇﹗”雖然真係有Do靚仔話想落車睇﹐但個個都得把口。。。可惜我無精力破口大罵。。。幾難得先等到班嘩鬼落車﹐落得一番清淨。。唔夠“目訓”既人即刻“目訓”返夠本﹐個頭仲大大力咁撞左埋隻窗度嚇死後面個亞蟬﹗﹗

多謝好人文迪幫我搵到隻MP3。。。唔洗再受CHIPMUNKS貓怪既節磨。。。根本就係將原唱提高八度咁就當係隻貓唱。。。唔似CHIPMUNK就奇。。。不過究竟首歌係邊個唱架﹖﹖

好﹐雖然唔覺得在戰鬥時期﹐但還是要努力﹐努力再努力。。。加油呀﹐小戇﹗YOOOOOOOSH﹗﹗﹗
p(~_~)q

前幾天﹐看見平常好像很好朋友的某人甲與某人乙行得離行離“立”似的﹐以為他們因某些事而鬧翻。只是差在沒有問到出口。前天﹐看見他們再次走在一起的時候﹐也不能說自己心情放鬆返了﹐只是感覺上他們一直也是朋友﹐看見他們好像鬧翻的樣子梗是周身不聚財。SOME THINGS ARE MEANT TO BE WHAT THEY MEANT TO BE。。。不過其實都唔關我事﹐得閒既話其實理下我篇ESSAY 好過喇﹗﹗﹗

昨天一整天也在整理資料﹐還沒有開始正式動筆。到整理完資料打後﹐又坐在(躺在)梳化上等靈感到。(有乜可能會唔“目訓”著先得架﹗﹖)叫笨媽媽幾點幾點叫醒我﹐一如以往又叫極都叫唔醒﹐叫幾廿次都唔醒。。。最後都要死死地氣叫笨媽拿個鬧鐘落黎比我。。。又一如以往﹐鬧鐘拍完又響﹐打完又鬧﹐還是不肯醒來。。。最後﹐一句突如其來的“開場白”卻逼得我即刻仆起身去打ESSAY。。呢D野呢﹐真係好難講﹐對一向做野講靈感﹐講FE~EL既笨小朋友黎講(PG 18)。。。正所謂江山易得﹐好句難求。。。一旦唔記得﹐就死左罷就。。。有好句要立刻打低。。。但是我的ESSAY仲不能下下等好句自己到。。。所以都係要乖乖地坐o向個腦前面死度難度先得。
今天是ESSAY 天TAKE 2﹗﹗﹗

昏睡七十二乘十分鐘﹐晨早起來。唔﹐今天一定要的起心肝死衝難趕份拖左好耐既PHL ESSAY。。。一定要﹗﹗﹗今天是ESSAY天﹗但一起來就上網﹐這不是一個好開始。。。(其實我上網是要搵資料的。。。)
真的很喜歡那首流浪貓之歌。每次上網都會開多個BROWSER聽歌。。。雖然隻貓唱得都唔差﹐但係越聽越覺得佢越唱越唔似貓﹐似CHIPMUNK多D。。。好似食左一大堆HELIUM咁﹐勁高音。。。再者開多個BROWSER都唔係一個好辦法﹐拖低晒我個腦D工作效率﹗﹗﹗有無人﹐更正﹐有無好人可以幫我挖o個首MP3出黎呢﹖﹖﹖
我想一邊聽歌歌﹐一邊做ESSAY喎﹗﹗﹗(做ESSAY就做ESSAY啦﹐咁多要求﹐咁多籍口﹗﹗﹗)

緣份真的很奇妙。在你以為他走了的時候﹐他卻偏偏走過來。他走到過來的時候﹐你卻要離開了。你企定定等他出現的時候﹐他卻不知所蹤﹗
昨天知道了一些事與願違的事﹐打破了之前所想的某一些假設﹗另一個假設﹐我己經不想再去想了﹐亦不想再去證實﹐就當那個假設在第一個假設被打破時也同時被推翻了吧﹗忽然覺得自己變得很像昨天看到的那隻貓貓﹗﹗﹗我信有星﹐我信有夢﹐但信還信﹐自己還是覺得自己很空洞﹐因為我信並唔代表我擁有﹗

這個學期最後一天上堂﹐居然有點很空虛的感覺。。。有些人可能永遠都唔會再見到﹐又或者要一段長時間之後才會再見到。。。但這不足以是導致我空虛的原因吧﹗是EXAM前恐懼症嗎﹖﹖﹖

唉﹐開左個頭﹐都唔爭在寫埋佢喇﹗今日上一堂﹐無乜好講。剩係覺得黃泡飛沙都幾可憐﹐連最後尾想講THX FOR THE TERMo個個SPEECH都o向一片掌聲之下比人CUT 左。
知道左原來ECE哨牙倫有個個人網頁﹐仲日日POST日記上去添。開頭都有少少興趣﹐想上去睇下會唔會有D乜野EXAM TIPS。。。經珍珍既一番話後﹐知道根本無可能有TIPS。。。好失望﹐無晒興趣。在馬騮小DD既一句想睇下﹐終於都幫佢搵到個SITE出黎。原來只要有o向我間學校讀過既人都應該可以挖到出黎。CSC個LAB TA教既﹗覺得呢位哨牙倫真係好鬼勁﹐一年讀完個MASTER。。。個女朋友仔仲要幾靚下添喎。。。愛情學業兩得意咁喎。。。
不過真係好鬼佩服佢﹐係我一定無咁既膽量去用真名打日記﹐尢其是當我係一個TA。。。尢其當我係一個TA而又有一D無無聊聊的學生專找人家的私人HOMEPAGE。。。(唔關我事架。。。某閑人講我先知架喳。。。某人想睇我至會去SEARCH架喳﹗﹗﹗[其實咪即係八囉。如果唔係又點會去睇呀﹗﹗﹗])
所以呢﹐為左日後著想﹐我諗我都係保持神秘感好D喇。。。所以呢﹐因為咁樣既關係呢﹐我都唔POST佢個網頁出黎喇﹐費事暴露左我既身份喇﹗﹗﹗(你想知亞倫個WEBSITE既話呢﹐問我啦﹐我私底下話你知。。。)
我實在係一個無聊兼不務正業的大學生﹗﹗﹗

在mandalope推介下看了這個街頭賣藝流浪貓﹐原本諗住專心做野既戇又再一次不受蚯蚓下﹐都係要寫BLOG。。。很喜歡那隻貓貓唱的歌。開頭覺得自己很像那隻梯型口既貓。。。好像很無奈的樣子。。。誰不知原來結局同我想既出入好大﹐失落既原來係隻賣藝貓先真。。。我唔做梯型貓喇﹗﹗﹗(麥兜話唔學搶包山口“吻”)
Wind's Nocturne (流浪貓貓唱的歌的歌詞﹐很像我現時的心境嗎。。。)
Wishing on a dream that seems far off
Hoping it will come today
Into the starlit night,
Foolish dreamers turn their gaze,
Waiting on a shooting star.
But what if that sooting star is not to come?
Will their dreams fade to nothing?
When the horizon darkens most,
We all need to believe there is hope
Is an angel watching closely over me?
Can there be a guiding light I've yet to see?
I know my heart should guide me, but,
There's a hole within my soul
What will fill this emptiness inside of me?
Am I to be satisfied without knowing?
I wish, then, for a chance to see,
Now all I need, (desperately)
Is my star to come...