戇與U茶島登陸篇之第二次戇魔大戰--第三戰﹕無心戀戰中PART II
晨早醒左又有乜用﹖﹖成朝就用左黎做D無謂+無聊野。原定要做既﹐宜家先坐定定開始做﹐但係唔夠五分鐘又分了心。。我真是無藥救。睇報紙﹐今日終於有一個角落頭俾我的五星連珠喇。不過都係無相睇既。。。報紙話﹐五星連珠會持續一個月架﹐但係肉眼見到既話呢就418係最後機會。。。即係窮小朋友前兩日錯過左既野呢﹐始終都係要錯過架呢。。。除非﹐我有一D有錢既朋友﹐擁有呢個昂貴既望遠鏡啦﹐而呢位朋友呢又要好好人咁自己願意借個貴鏡出黎啦。。。如果唔係﹐我諗我同連珠都係註定無緣架喇。。。唉。。。我諗我都係要望報打卦﹐希望明日報紙有相睇啦。。。唉。。。不過呢﹐睇報紙﹐知道朗拿度今次世界杯會再次出賽﹐同李華度+RONALDINHO(好似係咁寸)組成巴西鐵三角﹐嘿嘿嘿﹐真係好架呢。。。雖然四年前曾經失望﹐但係﹐我仲係會~支~持~巴~西~既﹗﹗(雖然我都好鍾意英格蘭､法國､意大利､DENMARK。。。荷蘭都有份就更PERFECT 喇。。。)~巴~西~巴~西~YEAH~~~~~~~唔得﹐我都要努力先得﹐YOSHHHHHHHHHHHHHHHHHH﹗p(*____*)q(超閃星光眼)

戇與U茶島登陸篇之第二次戇魔大戰--第三戰﹕無心戀戰中
晨早~~凍醒左~~~凍到我即刻走去沖熱水涼暖一暖~~晨早沖完涼﹐上網比人搶先一步。。。轉行睇報紙﹐繼續尋找我的五星連珠﹐但係都係無。。。終於輪到我上網﹐腦中的歌聽到厭﹐是時候作無謂資源增值﹐但我無時間。。。唯有繼續聽流星雨。。。流星雨﹐令我想起五星連珠。。。我~想~睇~五~星~連~珠~~~仲有﹐我~個~地~窖~都~好~鬼~凍~~~~~~~~~~~~~

戇與U茶島登陸篇之第二次戇魔大戰--第二戰﹕PHILAW怪
有D野無左就係無左﹐錯過左就即係錯過左。報紙始終都無登到五星連珠。。。出師不利﹐晨早行雷閃電落大雨﹐似是告訢戇不要期望太高。好在出門口時停了雨。跟大顆一起備戰﹐但最後都係要孤身作戰。一望張卷﹐只能唉一句﹕今次死得轟烈﹐死無全屍了。。。PHILAW怪D招式好似完全未見過咁囉。。。最衰就係尋晚又幫我KUM被﹐又幫我熄鬧鐘o個位魔天使﹐攪到我備唔足戰。。。嗚。。。o向無計可施的情況下﹐無助戇唯有用終極招式﹕四面包抄必死技。。。不過必死o個個係我﹐唔係PHILAW怪。勁寫勁寫﹐唔識都扮識咁勁寫狂寫﹐寫到自己都唔知自己寫乜o個度先幣﹐不過無計可施的情況之下﹐希望有一兩個位中﹐咁都不致於死剩隻蛋卦。。。在出完終極招式後﹐筋疲力盡﹐還要去認領返個勁炒了的CHE FORMAL LAB。。。勁想死。。。我要人安慰﹐我要人安慰。。。我要睇返五星連珠補數。。。嗚嗚嗚。。。T_T。。。(已經無決心無信心再考下去了﹐個心已經飛左去玩了。。。嗚嗚嗚。。。)T_________T

戇與U茶島登陸篇之第二次戇魔大戰--第二戰﹕備戰中
嗚嗚。。。戇居然在為星期五與PHILAW怪的那場大戰備戰時睡著了。。。嗚嗚嗚。。。書又未讀好﹐又錯過了肉眼也可以看得見的五星連珠(新聞講架。。。)。。。上年已經錯過了九珠連環架喇。。。嗚嗚嗚。。。我唔制呀。。我要睇五星連珠。。。嗚嗚嗚。。。唔知﹐報紙今日會唔會有相睇既呢﹖﹖

PERLUDE TO 戇與U茶島登陸篇之第二次戇魔大戰
我不要再做次選､後備一次也好﹐讓我做一次首選﹐讓我做坐在你身旁的那個唯一。。我只想和你一起坐在流星上劃破夜空﹐一起實現每一個你跟我的夢﹐同時亦帶給千萬人千千萬萬個夢想。我~想~飛~﹐一晚也好。。。我想飛﹗﹗﹗
EXAM TIME == EATING TIME??? EXAM TIME == SLEEPING TIME??
mark EXAM(time EXAM TIME, (*MARKER)(fate LUCK)) {
if (EXAM TIME == EATING TIME || EXAM TIME == SLEEPING TIME)
return FAIL;
else
return ((*MARKER)(rand(EXAM TIME));
}
(041602)

戇與U茶島登陸篇之第二次戇魔大戰--第一戰﹕CS大皇
不過不失的過了第一關。。。大戰完後﹐腦細胞死了不少﹐戰後出來﹐居然下大雨。上到SUBWAY﹐經過露天橋﹐居然見到陽光普照。究竟發生乜事﹐是不是要攪到我傷風才肯罷休﹖﹖

今天好像處處也特別墟埳。。。再一次整晚通頂的小朋友晨早印埋份半放棄左既PHILO ESSAY出黎就出門口去交功課喇﹗上到SUBWAY﹐超多人﹐平常最後面o個幾卡車廂都有D死雞位坐下家嗎。。。今日得返個門口位我企。。明明已經少左人返學﹐整乜鬼咁多人﹖﹖﹖仲要比個麻甩佬望望望。。。心情唔好﹐無得爭取時間睡覺的人真的想破口大罵﹕望咩呀望﹖未見過熊貓呀﹖﹖不過戇沒有那個精力。。。

小朋友被PHIL大衛“種”慣﹐唔知去邊度交ESSAY。。。走錯去MENTAL HOSPITAL。。。要問路。。。DROP OFF左份ESSAY之後﹐又再見到人山人海咁黎交ESSAY 既人。。。

在COMP LAB撞到勁PRINT野既馬騮小DD。。。部PRINTER神左﹐勁PRINT粗口﹐PRINT左800幾張都唔停。。終於要馬騮DD去叫人黎整機。。。咖喱姐姐﹐馬騮DD加笨小戇一等部機整好就發揮勁PRINT三人組既本色。勁PRINT勁PRINT狂PRINT。。。

比死LUR要食M記早餐的小朋友拉了上去搵歌姬小朱食早餐。。。原本大好既讀書早晨就咁無左。。。不過始終都無食到M記早餐﹐因為小朱都已經食左LU。。。

去打擾黃泡飛沙﹐臨急抱沙腳。。。行行下居然o向我地後面出現。。。好彩馬騮小DD無多口﹐如果唔係水洗都唔清。小朱問問下問題﹐又會突然之間越黎越多人﹐要走去搵課室。。。黃泡飛沙講到超晒時﹐遲晒到。。。

跟小朱與馬騮三人走了去唐人街食晏。。。食完晏又再去抱沙腳﹐不過之前D人已經唔見晒。。。見到黃泡飛沙一邊食飯﹐一邊答小朱問題﹐突然間覺得黃泡飛沙好偉大。。。做泡飛沙完來真的不易。。。(不要問我去做乜﹐我係無乜問題既﹐暫時﹐因為我都未做PAST PAPER。。。我八之嗎﹗﹗﹗聽下有益﹗)

問完問題﹐小戇便自已回家。。。皇后廣場超墟埳﹐拎晒旗咁﹐唔知發生咩事。。。搭巴士搭到一半﹐見到有人撞車繼而動武。光頭佬大戰鬍鬚佬。車外墟埳﹐車內仲墟埳。。。班剛放學既嘩鬼﹐一個二個湧晒埋黎我隻窗度睇野。。。可憐我D小腳趾。。。唔夠“目訓”既人一度想大叫﹐睇咩呀睇﹖要睇落車睇﹗”雖然真係有Do靚仔話想落車睇﹐但個個都得把口。。。可惜我無精力破口大罵。。。幾難得先等到班嘩鬼落車﹐落得一番清淨。。唔夠“目訓”既人即刻“目訓”返夠本﹐個頭仲大大力咁撞左埋隻窗度嚇死後面個亞蟬﹗﹗

多謝好人文迪幫我搵到隻MP3。。。唔洗再受CHIPMUNKS貓怪既節磨。。。根本就係將原唱提高八度咁就當係隻貓唱。。。唔似CHIPMUNK就奇。。。不過究竟首歌係邊個唱架﹖﹖

好﹐雖然唔覺得在戰鬥時期﹐但還是要努力﹐努力再努力。。。加油呀﹐小戇﹗YOOOOOOOSH﹗﹗﹗
p(~_~)q

前幾天﹐看見平常好像很好朋友的某人甲與某人乙行得離行離“立”似的﹐以為他們因某些事而鬧翻。只是差在沒有問到出口。前天﹐看見他們再次走在一起的時候﹐也不能說自己心情放鬆返了﹐只是感覺上他們一直也是朋友﹐看見他們好像鬧翻的樣子梗是周身不聚財。SOME THINGS ARE MEANT TO BE WHAT THEY MEANT TO BE。。。不過其實都唔關我事﹐得閒既話其實理下我篇ESSAY 好過喇﹗﹗﹗

昨天一整天也在整理資料﹐還沒有開始正式動筆。到整理完資料打後﹐又坐在(躺在)梳化上等靈感到。(有乜可能會唔“目訓”著先得架﹗﹖)叫笨媽媽幾點幾點叫醒我﹐一如以往又叫極都叫唔醒﹐叫幾廿次都唔醒。。。最後都要死死地氣叫笨媽拿個鬧鐘落黎比我。。。又一如以往﹐鬧鐘拍完又響﹐打完又鬧﹐還是不肯醒來。。。最後﹐一句突如其來的“開場白”卻逼得我即刻仆起身去打ESSAY。。呢D野呢﹐真係好難講﹐對一向做野講靈感﹐講FE~EL既笨小朋友黎講(PG 18)。。。正所謂江山易得﹐好句難求。。。一旦唔記得﹐就死左罷就。。。有好句要立刻打低。。。但是我的ESSAY仲不能下下等好句自己到。。。所以都係要乖乖地坐o向個腦前面死度難度先得。
今天是ESSAY 天TAKE 2﹗﹗﹗

昏睡七十二乘十分鐘﹐晨早起來。唔﹐今天一定要的起心肝死衝難趕份拖左好耐既PHL ESSAY。。。一定要﹗﹗﹗今天是ESSAY天﹗但一起來就上網﹐這不是一個好開始。。。(其實我上網是要搵資料的。。。)
真的很喜歡那首流浪貓之歌。每次上網都會開多個BROWSER聽歌。。。雖然隻貓唱得都唔差﹐但係越聽越覺得佢越唱越唔似貓﹐似CHIPMUNK多D。。。好似食左一大堆HELIUM咁﹐勁高音。。。再者開多個BROWSER都唔係一個好辦法﹐拖低晒我個腦D工作效率﹗﹗﹗有無人﹐更正﹐有無好人可以幫我挖o個首MP3出黎呢﹖﹖﹖
我想一邊聽歌歌﹐一邊做ESSAY喎﹗﹗﹗(做ESSAY就做ESSAY啦﹐咁多要求﹐咁多籍口﹗﹗﹗)

緣份真的很奇妙。在你以為他走了的時候﹐他卻偏偏走過來。他走到過來的時候﹐你卻要離開了。你企定定等他出現的時候﹐他卻不知所蹤﹗
昨天知道了一些事與願違的事﹐打破了之前所想的某一些假設﹗另一個假設﹐我己經不想再去想了﹐亦不想再去證實﹐就當那個假設在第一個假設被打破時也同時被推翻了吧﹗忽然覺得自己變得很像昨天看到的那隻貓貓﹗﹗﹗我信有星﹐我信有夢﹐但信還信﹐自己還是覺得自己很空洞﹐因為我信並唔代表我擁有﹗

這個學期最後一天上堂﹐居然有點很空虛的感覺。。。有些人可能永遠都唔會再見到﹐又或者要一段長時間之後才會再見到。。。但這不足以是導致我空虛的原因吧﹗是EXAM前恐懼症嗎﹖﹖﹖

唉﹐開左個頭﹐都唔爭在寫埋佢喇﹗今日上一堂﹐無乜好講。剩係覺得黃泡飛沙都幾可憐﹐連最後尾想講THX FOR THE TERMo個個SPEECH都o向一片掌聲之下比人CUT 左。
知道左原來ECE哨牙倫有個個人網頁﹐仲日日POST日記上去添。開頭都有少少興趣﹐想上去睇下會唔會有D乜野EXAM TIPS。。。經珍珍既一番話後﹐知道根本無可能有TIPS。。。好失望﹐無晒興趣。在馬騮小DD既一句想睇下﹐終於都幫佢搵到個SITE出黎。原來只要有o向我間學校讀過既人都應該可以挖到出黎。CSC個LAB TA教既﹗覺得呢位哨牙倫真係好鬼勁﹐一年讀完個MASTER。。。個女朋友仔仲要幾靚下添喎。。。愛情學業兩得意咁喎。。。
不過真係好鬼佩服佢﹐係我一定無咁既膽量去用真名打日記﹐尢其是當我係一個TA。。。尢其當我係一個TA而又有一D無無聊聊的學生專找人家的私人HOMEPAGE。。。(唔關我事架。。。某閑人講我先知架喳。。。某人想睇我至會去SEARCH架喳﹗﹗﹗[其實咪即係八囉。如果唔係又點會去睇呀﹗﹗﹗])
所以呢﹐為左日後著想﹐我諗我都係保持神秘感好D喇。。。所以呢﹐因為咁樣既關係呢﹐我都唔POST佢個網頁出黎喇﹐費事暴露左我既身份喇﹗﹗﹗(你想知亞倫個WEBSITE既話呢﹐問我啦﹐我私底下話你知。。。)
我實在係一個無聊兼不務正業的大學生﹗﹗﹗

在mandalope推介下看了這個街頭賣藝流浪貓﹐原本諗住專心做野既戇又再一次不受蚯蚓下﹐都係要寫BLOG。。。很喜歡那隻貓貓唱的歌。開頭覺得自己很像那隻梯型口既貓。。。好像很無奈的樣子。。。誰不知原來結局同我想既出入好大﹐失落既原來係隻賣藝貓先真。。。我唔做梯型貓喇﹗﹗﹗(麥兜話唔學搶包山口“吻”)
Wind's Nocturne (流浪貓貓唱的歌的歌詞﹐很像我現時的心境嗎。。。)
Wishing on a dream that seems far off
Hoping it will come today
Into the starlit night,
Foolish dreamers turn their gaze,
Waiting on a shooting star.
But what if that sooting star is not to come?
Will their dreams fade to nothing?
When the horizon darkens most,
We all need to believe there is hope
Is an angel watching closely over me?
Can there be a guiding light I've yet to see?
I know my heart should guide me, but,
There's a hole within my soul
What will fill this emptiness inside of me?
Am I to be satisfied without knowing?
I wish, then, for a chance to see,
Now all I need, (desperately)
Is my star to come...

晨咁早﹐車完笨小妹上學後﹐再一次上演完血染屋企洗手間之後(這個星期第二次了。。。我想今個星期日又要探九孔醫生了)﹐為免滿口血腥味﹐所以晨咁早將早餐同午餐撈埋一齊黎食。晨咁早﹐食左個又無鮑魚味又無雞味﹐但好重味精味既鮑魚雞湯杯麵。邊食邊看人家的日記､BLOGS。。。經帶銀公主的介紹下﹐玩了一個什麼全方位性格大解構。。。第一次玩﹐結果都幾懸下。。。第二型助人型+第四型自我型。。。好似係兩個極端喎。。。再做多一次﹐第二型成功跑出。。。都算OK既。。。都有DD準既﹗﹗﹗
第二型﹕助人型(HELPER)(可惜唔係SANTAo個隻。。。)
顧名思義﹐你很喜歡幫人﹐而且主動﹐(呢樣我有D保留。。。)慷慨大方﹗(嘩﹐我有咁好﹖﹖多謝呀﹗)雖然你對別人的需要很敏銳﹐但很多時忽略了自己的需要。在你來說﹐滿足別人的需要比滿足自己的需要更重要﹐所以你很少向人提出請求。(這個也算對﹐只不過這只是其中一個原因。。。)這樣說來﹐你的自我並不強﹐很多時要靠幫助別人去肯定自己。
戇o既結論就係﹕我幫人唔係為左幫人而去幫人﹐而係為左肯定自己而去幫人﹐所以我幫過的人不要太過感激我。如果要感激､要回謝我﹐得﹐幫我交下一年六千幾的學費﹗

第一年大學生涯將過﹐是時候做一點點的回顧了。第一年的TUTORIAL在今天也畫上了一個句號。(其實明日仲有一個﹐但我﹐決定唔去﹗﹗﹗橫豎都無乜建樹架啦。乖小朋友PG指引)就讓小戇在這為大家送上第一屇戇TE獎的得獎名單啦。(在此聲明﹐所有得獎人也皆是小戇這一年的TA們。。其他TA﹐我鬼知咩)

最有後勁獎﹕ALBA既依單。堂堂TUTORIAL都唔知佢想講乜､做乜﹐如果TUTORIAL無QUIZ﹐搵鬼上佢堂。不過佢好就好在QUIZ之前比晒HINTS咁囉。。。不過臨考試前﹐佢忽然變得好好人﹐好有用﹐好似成個人西星晒咁﹐仲特登為左我地攪個EXTRA TUTORIAL。。係唯一一個有咁做既TA﹗﹗﹗

最鐵面無私兼最有料獎兼最敬業樂業獎﹕CAL I 蕃薯。佢就真係一D都唔係蕃薯喇。超西星問乜都識答﹐我唔知自己問乜佢都識答。有時佢仲特登留低答晒我地D問題佢先會走架。有時仲會講D我地未學既野。我呢﹐就覺得呢﹐TA~ING簡直就係佢既興趣啦﹗只可惜﹐佢比分真的是CAL TA最嚴之冠呀﹗﹗﹗我炒了全因佢。。。

最唔知佢講乜獎﹕CSC I 代左彼德個位o個個無能TA。。。上過一兩堂都唔知佢講咩之後﹐我決定跳“糟”去隔離班上堂。連佢個大名都唔記得喇﹗﹗﹗

最好人兼最短期TA獎﹕CSC I彼德。教的實在好。。唔明都比佢講到明。只可惜﹐租約期滿﹐另謀高就呢。。。做夠鐘﹐死都唔肯再教。。。唉。。。

最有耐性兼超好人獎﹕PHY LAB地利牙多麼SKI。。居然用半粒鐘解釋上堂的東東給我和雅麗詩聽﹐唔係佢做架應該。。。MARK分又易。仲要帶我同珍珍遊佢個LAB看佢個ISOTRACE機器。。。超好。。。不過因為佢個TOUR﹐我決定唔讀PHYSICS。。死都唔讀﹗﹗﹗

最運動型獎﹕PHY 巴利。。。好運動LOOK。。。講野都好有跑步FEEL。。死衝難趕咁。。。

最得人心獎﹕珍利。。。上TUTORIAL好似o向CAFE傾計咁﹐無乜點做過野。雖然佢都係有D料既﹐無可否定﹐我師姐嗎﹗﹗﹗不過真係現實証明﹐勤力未必有用﹐最緊要識討人歡心﹗﹗﹗

最人不可以貌相獎﹕ECE哨牙倫。。。頭o個日見佢﹐完全無好感﹐心諗這個過期飛仔得唔得架。。開頭o個兩堂都對佢幾不滿﹐難鐵面無私咁。。。之後﹐一百八十度轉型開始變好變玩得變QUIZ之前比HINTS﹐變西星有乜答乜。。。不過好似某人話齋﹐佢聰明﹐但佢懶。。。不過呢﹐唔好睇佢又高又瘦又哨牙﹐但其實都幾鍾意講野﹐幾西星下架。。。

最勤力獎﹕ECE LABo個位師姐。。。同又了又瘦哨牙倫同屇畢業。。。好西星又勤力。無佢﹐我都唔覺得亞倫懶囉。。真係好鬼PREPARE架佢。。。

最深奧獎兼最離題獎﹕PHL 大衛﹐除左佢﹐呢個獎無人受得起。

最忙TA獎﹕PHY LAB II 既擇西架。。。忙到連我本LAB NOTEBOOK都唔得閒MARK﹐你話佢忙唔忙喇﹖超忙定啦﹗﹗﹗不過佢其實都幾好人。

諗唔到仲有咩獎既最有距離獎﹕CIV 個唔記得乜名。CHE個從未知係乜名。CSC II LAB 個一直都唔知係乜名。。。(雖然直頭唔熟到嘔﹐但係咁“而”頒返個獎比佢地啦。。。)

一句講晒﹐第一年﹐D TA 都仲算OK啦。。。大獎黎喇﹗第一戇TE獎戇最喜愛TA獎﹕(DRUM ROLL) PHY LAB I 既地利牙多麼SKI﹐集有料､好玩､有耐性､有笑容夠專業於一身﹐唔頒比可以頒比邊個﹖﹖﹖

(得閒再頒埋個PROF獎。。。可惜其實我係唔得閒既。。。我其實要做PHL。。。)

XXXX﹐不要再說我不腳踏實地了﹗我覺得自己十分之腳踏實地。當你知道你永遠也沒有那個能力去得到一千五百萬的時候﹐最腳踏實地的辦法不就是去買六合彩､七合彩嗎﹖﹖若然明知道窮一生的努力換來的一定是一大筐的失望的話﹐倒不如做點比較有點建樹的事吧﹗﹗﹗若然明知自己沒有那個能力﹐還夢想自己有那個能力﹐這樣才不是腳踏實地吧﹗﹗結論係﹕買六合彩､靠運氣是沒有能力的人發達最腳踏實地的途徑。(十八歲以下請陪同家長觀看。。。)