晨咁早﹐車完笨小妹上學後﹐再一次上演完血染屋企洗手間之後(這個星期第二次了。。。我想今個星期日又要探九孔醫生了)﹐為免滿口血腥味﹐所以晨咁早將早餐同午餐撈埋一齊黎食。晨咁早﹐食左個又無鮑魚味又無雞味﹐但好重味精味既鮑魚雞湯杯麵。邊食邊看人家的日記､BLOGS。。。經帶銀公主的介紹下﹐玩了一個什麼全方位性格大解構。。。第一次玩﹐結果都幾懸下。。。第二型助人型+第四型自我型。。。好似係兩個極端喎。。。再做多一次﹐第二型成功跑出。。。都算OK既。。。都有DD準既﹗﹗﹗
第二型﹕助人型(HELPER)(可惜唔係SANTAo個隻。。。)
顧名思義﹐你很喜歡幫人﹐而且主動﹐(呢樣我有D保留。。。)慷慨大方﹗(嘩﹐我有咁好﹖﹖多謝呀﹗)雖然你對別人的需要很敏銳﹐但很多時忽略了自己的需要。在你來說﹐滿足別人的需要比滿足自己的需要更重要﹐所以你很少向人提出請求。(這個也算對﹐只不過這只是其中一個原因。。。)這樣說來﹐你的自我並不強﹐很多時要靠幫助別人去肯定自己。
戇o既結論就係﹕我幫人唔係為左幫人而去幫人﹐而係為左肯定自己而去幫人﹐所以我幫過的人不要太過感激我。如果要感激､要回謝我﹐得﹐幫我交下一年六千幾的學費﹗

第一年大學生涯將過﹐是時候做一點點的回顧了。第一年的TUTORIAL在今天也畫上了一個句號。(其實明日仲有一個﹐但我﹐決定唔去﹗﹗﹗橫豎都無乜建樹架啦。乖小朋友PG指引)就讓小戇在這為大家送上第一屇戇TE獎的得獎名單啦。(在此聲明﹐所有得獎人也皆是小戇這一年的TA們。。其他TA﹐我鬼知咩)

最有後勁獎﹕ALBA既依單。堂堂TUTORIAL都唔知佢想講乜､做乜﹐如果TUTORIAL無QUIZ﹐搵鬼上佢堂。不過佢好就好在QUIZ之前比晒HINTS咁囉。。。不過臨考試前﹐佢忽然變得好好人﹐好有用﹐好似成個人西星晒咁﹐仲特登為左我地攪個EXTRA TUTORIAL。。係唯一一個有咁做既TA﹗﹗﹗

最鐵面無私兼最有料獎兼最敬業樂業獎﹕CAL I 蕃薯。佢就真係一D都唔係蕃薯喇。超西星問乜都識答﹐我唔知自己問乜佢都識答。有時佢仲特登留低答晒我地D問題佢先會走架。有時仲會講D我地未學既野。我呢﹐就覺得呢﹐TA~ING簡直就係佢既興趣啦﹗只可惜﹐佢比分真的是CAL TA最嚴之冠呀﹗﹗﹗我炒了全因佢。。。

最唔知佢講乜獎﹕CSC I 代左彼德個位o個個無能TA。。。上過一兩堂都唔知佢講咩之後﹐我決定跳“糟”去隔離班上堂。連佢個大名都唔記得喇﹗﹗﹗

最好人兼最短期TA獎﹕CSC I彼德。教的實在好。。唔明都比佢講到明。只可惜﹐租約期滿﹐另謀高就呢。。。做夠鐘﹐死都唔肯再教。。。唉。。。

最有耐性兼超好人獎﹕PHY LAB地利牙多麼SKI。。居然用半粒鐘解釋上堂的東東給我和雅麗詩聽﹐唔係佢做架應該。。。MARK分又易。仲要帶我同珍珍遊佢個LAB看佢個ISOTRACE機器。。。超好。。。不過因為佢個TOUR﹐我決定唔讀PHYSICS。。死都唔讀﹗﹗﹗

最運動型獎﹕PHY 巴利。。。好運動LOOK。。。講野都好有跑步FEEL。。死衝難趕咁。。。

最得人心獎﹕珍利。。。上TUTORIAL好似o向CAFE傾計咁﹐無乜點做過野。雖然佢都係有D料既﹐無可否定﹐我師姐嗎﹗﹗﹗不過真係現實証明﹐勤力未必有用﹐最緊要識討人歡心﹗﹗﹗

最人不可以貌相獎﹕ECE哨牙倫。。。頭o個日見佢﹐完全無好感﹐心諗這個過期飛仔得唔得架。。開頭o個兩堂都對佢幾不滿﹐難鐵面無私咁。。。之後﹐一百八十度轉型開始變好變玩得變QUIZ之前比HINTS﹐變西星有乜答乜。。。不過好似某人話齋﹐佢聰明﹐但佢懶。。。不過呢﹐唔好睇佢又高又瘦又哨牙﹐但其實都幾鍾意講野﹐幾西星下架。。。

最勤力獎﹕ECE LABo個位師姐。。。同又了又瘦哨牙倫同屇畢業。。。好西星又勤力。無佢﹐我都唔覺得亞倫懶囉。。真係好鬼PREPARE架佢。。。

最深奧獎兼最離題獎﹕PHL 大衛﹐除左佢﹐呢個獎無人受得起。

最忙TA獎﹕PHY LAB II 既擇西架。。。忙到連我本LAB NOTEBOOK都唔得閒MARK﹐你話佢忙唔忙喇﹖超忙定啦﹗﹗﹗不過佢其實都幾好人。

諗唔到仲有咩獎既最有距離獎﹕CIV 個唔記得乜名。CHE個從未知係乜名。CSC II LAB 個一直都唔知係乜名。。。(雖然直頭唔熟到嘔﹐但係咁“而”頒返個獎比佢地啦。。。)

一句講晒﹐第一年﹐D TA 都仲算OK啦。。。大獎黎喇﹗第一戇TE獎戇最喜愛TA獎﹕(DRUM ROLL) PHY LAB I 既地利牙多麼SKI﹐集有料､好玩､有耐性､有笑容夠專業於一身﹐唔頒比可以頒比邊個﹖﹖﹖

(得閒再頒埋個PROF獎。。。可惜其實我係唔得閒既。。。我其實要做PHL。。。)

XXXX﹐不要再說我不腳踏實地了﹗我覺得自己十分之腳踏實地。當你知道你永遠也沒有那個能力去得到一千五百萬的時候﹐最腳踏實地的辦法不就是去買六合彩､七合彩嗎﹖﹖若然明知道窮一生的努力換來的一定是一大筐的失望的話﹐倒不如做點比較有點建樹的事吧﹗﹗﹗若然明知自己沒有那個能力﹐還夢想自己有那個能力﹐這樣才不是腳踏實地吧﹗﹗結論係﹕買六合彩､靠運氣是沒有能力的人發達最腳踏實地的途徑。(十八歲以下請陪同家長觀看。。。)

星期三﹐不單再一次帶來ECE的失落﹐還帶來了其他的失落。想發生的始終沒有發生。想見到的沒有見到。想擁有的不曾擁有﹐或許亦不會擁有。我想﹐是時候放棄了。。。但就是還是會希望有奇跡發生。。。。

星期三﹐朝早約了咖喱姐姐､歌姬小朱､MATRIX小姐､雅麗詩小姐+珍珍薯片去打BAD。馬騮小DD唔識醒﹐哈哈哈﹐沒有福了。。。全個場都給我們霸晒﹗﹗﹗早知如此﹐我就帶多一個拍啦﹗﹗﹗小朋友﹐尤其是是日忙夜忙的小朋友要多做運動﹐強身健體﹐努力減PAT PAT﹐減大腿﹐減手臂。。。但是難堅定的人最後也放棄了去ES努力苦讀PHL跟了大隊回人地的家拼命的刷刷刷刷晒人地雪櫃的東東才罷休。。。不單如此﹐好像什麼也沒做到一樣。。。唔。。。

當你正在忙時,卻把手機開著,等著她的電話..你已經愛上她了
如果你喜歡和她兩個人單獨漫步..你已經愛上她了
當你和她在一起時,你會假裝不注意她,但是當她離開妳的視線時,就會急著尋找她...你已經愛上她了
當她受傷或生病時,你會很關心她,替她著急....你已經愛上她了
當她和別人要好時,你會感到吃味.....你已經愛上她了
當她把臉貼近你時,你會感到臉紅.心跳加速....你已經愛上她了
當你看到這篇文章時,心裡想到某個人......那麼你肯定已經愛上她了 !!!!!!

看到友人SEND給我的MSG時﹐我想起了不只一個人﹐難道我這個短期專一人不再短期專一﹐而變得長期花心﹖﹖究竟﹐愛上一個人是不是真的就是這樣單純的呢﹖﹖~_~"

喜歡上李好聲的“櫻花”。。喜歡那種無奈與悲。。。思念其實應該是有有限日期的吧。某些事過去了太久或許就不應該再常常提起。某些事某些人根本不再在你的生活裡的話﹐是不是應該去忘記﹐是不是不應該再把自己困在回憶中呢﹖某些人某些事根本就不曾在你的生活中﹐是不是更加不應該再去介懷呢﹖﹖

從來也不曾討厭過星期二。記得從前在中學的某一段日子﹐因為某人的關係除了星期五､六､日之外最最喜歡就是星期二﹐第三喜歡的就是星期三了。但是在十一年班之後﹐星期二､三都變得不再特別。早一陣子﹐以為自己從新喜歡上星期二與星期三。誰知現在的星期二帶來的卻只是平凡到不能再平凡的事﹐星期三再加多無數個ECE QUIZ的失望。。。今天也是平凡的一天﹐除了今天是最後一堂的CHE與PHL的TUTORIAL之外﹐除了黃泡飛沙宣佈神祕胡會去其中一個課室監考之外﹐也沒啥什麼特別事可言了。

“現實﹐就似一隻鴨﹐下下一定要DUCK﹐唔得﹐唔得﹐點算呀﹐點樣令隻雞變做鴨”很喜歡“麥兜與雞”中的這一句。如果留心聽會發覺唱歌o個位李小朋友實係唱到足架。個DUCK字個KA音有交到貨架。。。看完某人的BLOG﹐她可能不知我也是忠實讀者吧﹐嘻嘻﹗發覺原來我們大家都不知道未來的路該怎樣走﹐大家也為這而惆悵､煩惱﹐也因而不開心。說真的﹐開頭我也覺得在大學很辛苦﹐不太開心﹐﹐也不知道自己所選的到底對不對﹐也有過為前途而惆悵的時候。只是﹐現在想真一點﹐其實我不是完全的討厭大學生活。雖然辛苦﹐但只要我努力﹐不是沒有可能做得到的(可是我就是不去努力嗎﹗)。。。雖然還是不知道自己所選的到底對不對﹐未來應該怎樣走﹐但現在的我已經不再介懷了。他來到﹐才算吧﹐是我目前的PHILOSOPHY。。好聽一點叫隨遇而安﹐難聽一點就是短見。但短見其實也不是不好吧。大學第一年生涯令我覺得若然為了不能控制的未來而煩惱的話﹐不如將那些用來煩惱的時間用來溫PHY/MAT/CSC/ECE/PHL/CHE好過啦。大學﹐令我變得很亞Q。

CSC有個從未露過面但又在個BBS上超寸的TA。。。好像沒有人見過他的樣子﹐連另外D TA 都好似未見過咁。。。全班人都好想好想目到呢位人兄的真面目。。。個PROF要當眾講到明自己唔係o個個TA。。。其實懷疑佢係那位人兄都有根據的。。。始果唔係今朝個TA幫我地上網挖佢幅相出黎﹐如果唔係親眼見到﹐如果唔係知道佢同小朱個男朋友同居﹐如果唔係知道佢同ECE 亞倫同一年畢業﹐打死都唔信黃泡飛沙唔係神祕胡﹗﹗﹗不過原來2000年畢業的﹐有很多都是很勁很勁的人。。。唔。。。(040802 22﹕49)

昨晚又開夜車趕PHY LAB。。。今晚又留在COMP LAB勁努力做個program。。。做到八點半先走人。。。原本都有DD“支力”架。越夜越精神﹐我諗係因為我飲左o個D咖啡。。。絕對值得推介呀。STARBXXXX MOCHA/VANILLA味﹐豐X超市有售﹐個人覺得MOCHA好飲D﹐但係對小戇黎講﹐好似VANILLA味比較提神少少﹗﹗﹗ANYWAYS﹐在我未回家之時﹐馬騮小朋友打來找我﹐哈哈哈﹐笨媽媽把他錯認是第二個﹐一定把馬騮小朋友嚇死。。。。嘻嘻嘻。。。

在超瘀事件過後不久﹐在我還懷恨在心之時(其實都唔可以算係恨﹐因我連那個男人的樣子也忘記了。)在無無聊聊極想回家卻要等人之時﹐看到了不是很熟的熟人。。。沒有主動上前打招呼﹐反正人家又未必記得我﹐反正我也沒有那個心情､沒有那個精神去SOCIAL。。。為何要我做主動﹖為何半生熟的人不可以主動上前跟我打招呼先﹖對﹐我是被人家的INSENSITIVITY 打沉了﹐雖然人家是沒有義務去顧及我的感受﹐但小戇就是一個超SENSITIVE﹐超任何事也介懷的人。那又怎樣﹖﹖

今早要晨早起來去看快早老襯的九孔醫生﹐原本因為唔夠“目訓”﹐只係“支力”﹐但係因為晨早發生一件很瘀很瘀的事﹐所以心情跌到最新低點。其實我認是我自己的錯。錯在還在遊魂﹐沒有看清楚便下結論。我說的那句話也不見得十分寸﹐只是一句比較肯定自己沒有錯的話。。。是﹐我有點妄下定論。只是當我知道自己錯了的時候不是已經馬上道歉了嗎﹖為何還要重覆我的那句說話來嘲笑我﹖為何不可以顧及別人的感受﹖其實假若那個男人可以想一想我那刻是多麼的尷尬﹐可以笑笑口的說一個笑話﹐例如﹕“不要緊﹐我應該多謝你才真。”或是“不要緊﹐我想你是太累了吧﹗”等等。。。其實只要一個笑容﹐一句簡單的不要緊﹐又或許什麼也不說﹐要嘲笑便等我走了以後才嘲笑﹐給別人一個下台楷﹐留一點點的餘地給人﹐這微不足道的一樣舉動也會令人覺得好過一點。受了傷﹐但卻換來這樣的一個啟發。一個懂得顧及別人以至一個陌生人感受的人還是比較可愛﹐一個懂得顧及別人感受的男人更可愛。。。

雖然超累﹐雖然超眼“目訓”﹐但看了某人的INFO﹐突然發覺各人在不知何時開始變得十分十分悲觀﹐包括我自己。其實不是想反駁些什麼﹐其實我也認同某人所說的。只是﹐想深一層﹐其實又可以用一個比較樂觀少少的態度去面對。或許人生不會給人任何美好明朗的承諾﹐因為承諾是人做出來的。或許﹐人生會為我們帶來許多不安的期待和無盡的未知感﹐只是若每一個人也早知明天會發生任何事﹐生命就不會再有意義﹐就等於你重看一場足球賽﹐看第二次時已經沒有了第一次時的那種投入感。若果人生是完美的話﹐人便應該再沒有願望﹐沒有了願望﹐便沒有了夢想､沒有了希望､便沒有了原動力。沒有了原動力﹐人便只會原地踏步﹐人生也不會有意義。嘗試走出悲觀﹐向另一個方向諗一諗﹐或許你會發現人生其實也不壞。至少我這生人認識了你。

累﹐是因為自己那“打破沙鍋問到底”+“不見黃河心不死”的死性格。。。其實我應該可以乜都唔理﹐唔明都好一於做完個化學LAB先算。。。但我就是死都“要明白﹐先有信任”要明白先動筆。。。弄到人家又不明﹐把人家也吹漲還不死心。。。唉。。。